AIIMS New Delhi Admission for MBBS Course 2015

Admission for MBBS course 2015, AIIMS-New Delhi

All India Institute of Medical Sciences (AIIMS)-New Delhi inviting online applications for the admission in  2015-MBBS Course for following locations:

New Delhi
Patna
Bhopal
Jodhpur
Bhubaneshwar
Rishikesh and
Raipur

The candidate eligible for the admission may apply Online for Entrance Examination on or before 10 April 2015.

Last Date of Online Application: 10 April 2015

Name of Course: MBBS Course - 2015

No. of Locations: 07 [New Delhi, Patna, Bhopal, Jodhpur, Bhubaneshwar, Rishikesh and Raipur]

Educational Qualification:

Possess Higher Secondary (12th Standard) Pass or equivalent from the recognized University or Institution or Appearing/ Appeared in the said Examination with 60% marks in aggregate and with English, Physics, Chemistry & Biology Subjects.

Selection Procedure:

The short listed candidates will be selected on the basis of performance in the Entrance Examination which will be conducted only through ‘Online Mode’ called Computer Based Test (CBT).

Eligible Candidates may apply on or before 10 April 2015, through the AIIMS Website: www.aiimsexams.org .

How To Get Rid Of Lizards With Home Remedies

How To Get Rid Of Lizards With Home Remedies

బల్లులను ఇంట్లోనుంచి తరిమికొట్టడం, ఇంట్లోకి రాకుండా అదుపుచేయడం ఎలా? The Simple Remedies To Prevent or Get Rid Of Lizards From Home.  బల్లులు మన ఇంటిలోని దోమలను, చిన్న చిన్న కీటకాలను చంపి మనకు మేలు చేస్తున్నప్పటికీ ఇంట్లోకి వచ్చి తరచూ చిరాకు కలిగిస్తూ వుంటాయి మరియు పిల్లలు వాటిని చూసి భయపడుతూ వుంటారు.  మనం ఆహ్వానించని ఈ అతిథులను ఇంట్లోనుంచి పారద్రోలటానికి, మళ్ళీ ఇంట్లోకి ప్రవేశించకుండా అదుపుచేయటానికి కొన్ని Lizard repellents మార్కెట్లో దొరుకుతాయి.  కానీ వీటిలో అనేక హానికరమైన రసాయనాలు కలపడం వలన, వీటిని ఉపయోగించడం అంత శ్రేయష్కరం కాదు.  బల్లులను అదుపుచేయటానికి ఎటువంటి హాని లేని   చక్కటి చిట్కాలను (home remedies to get rid of lizards) ఈ క్రింద వివరించబడినవి. 

1. వెల్లుల్లితో చిట్కా:

వెల్లుల్లి రెబ్బలను పొట్టు తీసి బల్లులు ఇంట్లోకి ప్రవేశించే మార్గంలోను, అవి తిరిగే ప్రదేశాలలోను ఉంచడం వలన వెల్లుల్లి ఘాటైన వాసనకు బల్లులు ఇంట్లోకి ప్రవేశించవు.

లేదా

ఒక స్ప్రే బాటిల్ (spray bottle) లో కొంచెం ఉల్లి (నీరుల్లి) రసం, కొంచెం నీరు పోసి ఈ మిశ్రమానికి వెల్లుల్లి రసం కొన్ని చుక్కలు కలిపి ఇంట్లోని మూలల్లో స్ప్రే చేయండి. ఈ వాసనకు బల్లులు ఇంట్లోనుంచి బయటకు పారిపోతాయి.  లేదా నీరుల్లి పాయలను రెండు ముక్కలుగా కోసి బల్లులు ఇంట్లోకి ప్రవేశించే చోట ఉంచినట్లైతే, ఆ వాసనకు బల్లులు ఇంట్లోకి ప్రవేశించవు.

2. చల్లని ఐస్ నీళ్ళుతో చిట్కా:

ఇంట్లో ఉండే బల్లులను పట్టి బయట పడివేయాలంటే అవి మన చేతికి దొరకడం కష్టం.  ఈ క్రింది చిట్కా ద్వారా బల్లులను సులువుగా పట్టుకొని బయట పారవేయవచ్చు.

బాగా చల్లగా ఉండే నీళ్ళను బల్లిపై చల్లండి.  దీని వల్ల బల్లి శరీర ఉష్ఠోగ్రత బాగా తగ్గి కొంత సమయం వరకు కదలలేదు.  వెంటనే దానిని చీపురు, చాట లేదా అట్ట పెట్టె సహాయంతో బల్లిని పట్టుకొని బయట పారవేయాలి.

3. కాఫీ పౌడర్ తో చిట్కా:

కొంచెం కాఫీ పౌడర్ మరియు కొంచెం పొగాకు పౌడర్ ను తీసుకొని బాగా కలిపి చిన్న చిన్న ఉండలుగా తయారు చేయాలి.  ఈ ఉండలను బల్లులు ఇంట్లోకి వచ్చే మార్గాలలోను, అవి దాక్కొనే రహస్య ప్రదేశాలలోను ఉంచండి.  ఈ ఉండలను బల్లులు తినడం వలన అవి చనిపోతాయి.

4. నెమలి ఫించంతో చిట్కా:

నెమలి ఫించాలను చూసి బల్లులు బయపడతాయి.  నెమలి ఫించాలను ఇంట్లోని గోడలపై అక్కడక్కడ ఉంచడం మరియు ఫ్లవర్ వేస్ లో ఉంచడం వలన బల్లులు ఇంట్లోకి రావటాన్ని అదుపుచేయవచ్చును.

5. నాఫ్తలీన్ బాల్స్ (Naphthalene Balls) తో చిట్కా:

బల్లులను అదుపుచేయటానికి నాఫ్తలీన్ బాల్స్ చక్కగా పనిచేస్తాయి.  నాఫ్తలీన్ బాల్స్ ను stove కింద మరియు బల్లులు తిరిగే ప్రదేశాలలో ఉంచడం వలన ఆ వాసనకు బల్లులు ఇంట్లోనుంచి పారిపోతాయి.

6. మిరియాల పొడితో చిట్కా:

కొంచెం మిరియాల పొడిలో నీరు కలిపితే మంచి స్ప్రే తయారవుతుంది. ఈ స్ప్రే ను ఇంట్లోని అన్ని మూలల్లోను చల్లితే దాని ఘాటైన వాసన మరియు పవర్ కు బల్లులకు చిరాకు కలిగి బయటకు పారిపోతాయి.

7.  పిల్లిని చూసి బల్లులు భయపడతాయి. పిల్లులు చాలా ఇష్టంగా బల్లులను చంపి తింటాయి.  మీ ఇంట్లో పెంపుడు పిల్లి ఉన్నట్లైతే బల్లుల గురించి మీరు భయపడనవసరం లేదు.

8. కోడి గుడ్లను పగులగొట్టి ఆమ్లెట్ చేసిన తరువాత, గుడ్డు పెంకులను బల్లులు ఇంట్లోకి ప్రవేశించే మార్గాలలో ఉంచండి.  వీటిని చూసి బల్లులు భయపడి ఇంట్లోకి రావు.

పైన తెలిపిన చిట్కాలతో పాటు ముఖ్యంగా మీ ఇంటిని, ఇంటి పరిసరాలను పరిశుభ్రంగా ఉంచుకోవటం చాలా అవసరం.  అలాగే మీ ఇంటి తలుపులకు, కిటికీ తలుపులకు కన్నాలు ఉంటే రాత్రి వేళల్లో వాటిని కప్పి ఉంచండి.  పైన తెలిపిన 8 చిట్కాలలో రెండు, మూడు చిట్కాలను ఒకేసారి పాటించడం ద్వారా బల్లులను ఇంట్లొనుంచి బయటకు తరిమికొట్టవచ్చును మరియు తిరిగి ఇంట్లోకి రాకుండా నియంత్రించవచ్చును.

How To Improve Your Memory While Studying

How To Improve Your Memory While Studying

How To Improve Your Memory Power While Studying? The Great Ways to Improve Your Memory:
ప్రపంచంలోని కోట్లాది మానవులలో ఉన్న మెదడు ఒకే సామర్ధ్యాన్ని(power) కలిగి వుంటుంది.  దానిని ఉపయోగించుకొనే విధానం లోనే తేడా ఉంటుంది.  మనిషి మెదడు యొక్క గరిష్ఠ సామర్ధ్యం ఎంత? అన్న ప్రశ్నకు సమాధానం: మన ఊహలకు అందనంత అని చెప్పవచ్చు.  ప్రపంచంలోని అధునాతన సూపర్ కంప్యూటర్ల కంటే ఎన్నోరెట్లు శక్తివంతమైనది.  అవును... ఇది నిజం, మెదడు యొక్క శక్తి అనంతమైనది.  అందుకే జ్ఞాపకశక్తి ఏ ఒక్కరి సొంతం కాదు.  మెదడును సరియైన పద్ధతిలో ఉపయోగించుకుంటే ఎవరైనా సరే ఘన విజయాలను సాధించగలరు, అద్భుతాలను సృష్ఠించగలరు.  మనిషి మనుగడకు గాలి, నీరు, ఆహారంతో పాటు జ్ఞాపకశక్తి కూడా ఒక ముఖ్యమైన ప్రాధమిక అవసరం.  జ్ఞాపకశక్తి లేని మనిషి జీవితం ఒక ప్రశ్నార్ధకం.  మరి ఇంతటి ప్రాముఖ్యం  ఉన్న మన మెదడుని సంరక్షించుకోవడం, అద్భుతమైన జ్ఞాపకశక్తిని పెంపొందించుకోవడం ఎంతైనా అవసరం.

అద్భుతమైన జ్ఞాపకశక్తిని పెంపొందించుకోవడానికి మొదటి పద్ధతి: ఆత్మవిశ్వాసం.

 నేను తెలివైన వాడిని, నాకు జ్ఞాపకశక్తి సంపూర్ణంగా ఉంది, నేను చదివిన విషయాలను గుర్తుపెట్టుకోగలను అని తరచూ మీలో మీరు అనుకుంటూ ఉండటం వలన కొద్ది రోజులలోనే మీ ఆత్మవిశ్వాసం పెరుగుతుంది.  అంటే, దేనినైనా సాధించగలను అన్న బలమైన నమ్మకం మీలో కలుగుతుంది.  ఈ ఆత్మవిశ్వాసం మీ జ్ఞాపకశక్తిని పెంచుకొనుటకు, అపజయాల నుండి విముక్తి పొందుటకు ఎంతగానో తోడ్పడుతుంది.  ప్రపంచంలో ఎన్నో అద్భుత విజయాలు సాధించి చరిత్రకెక్కిన వారి విజయ రహస్యం ఏమిటి?  అన్న ప్రశ్నకు సమాధానం: వారిలో ఉన్న ఆత్మవిశ్వాసమే.  కాబట్టి నేను ఎవ్వరికంటే తక్కువ వాడిని కాదు అని ప్రతి ఒక్కరూ బలంగా విశ్వసించడం వలన తమపై తమకు అచంచలమైన విశ్వాసం పెరిగి జీవిత లక్ష్యాలను సులువుగా చేరుకోగుతారు.  అందుకే, విశ్వాసమే బలం అని అందరూ తప్పక నమ్మాలి.  నేను తెలివి తక్కువ వాడిని అన్న వ్యతిరేక భావనను మీ మనుసులోనుండి తరిమికొట్టాలి.
ప్రతిరోజూ ఉదయం కాలకృత్యాలు అనంతరం 15 నుండి 30 నిమిషాలు వ్యాయామం గాని, యోగాసనాలు గాని చేయడం వలన శరీర సౌష్టవం, ఆరోగ్యం, అందంతో పాటు ఆత్మవిశ్వాసం కూడా పెరుగుతుంది.  ఇది జ్ఞాపకశక్తిని పెంచుకొనుటకు ఎంతగానో తోడ్పడుతుంది.

జ్ఞాపకశక్తిని పెంచుకొనుటకు రెండవ పద్ధతి: ఏకాగ్రత.

ఏకాగ్రత అంటే ప్రస్తుతం మనం చేస్తున్న పని మీద మనసును కేంద్రీకరించడం.  ఏకాగ్రత లేనిదే ఏపనినీ విజయవంతంగా పూర్తి చేయలేము.  ఉదాహరణకు: 90% ప్రమాదాలు డ్రైవింగ్ చేసే వ్యక్తుల ఏకాగ్రతా లోపం వల్లనే జరుగుతుంటాయి.  తరగతి గదిలో ఉపాధ్యాయులు పాఠం చెబుతున్నపుడు ఏకాగ్రతతో వినడం వలన పాఠం చక్కగా అర్ధం అవుతుంది మరియు పాఠం యొక్క సారాంశం చాలా కాలం గుర్తుండిపోతుంది.  ఏకాగ్రతతో చదవడం వలన విద్యార్ధులు తక్కువ సమయంలో ఎక్కువ విషయాలను నేర్చుకోగలుగుతారు.  పరీక్షలలో మంచి మర్కులు మరియు మెరుగైన విజ్ఞానాన్ని సంపాదించుకోగలుగుతారు.  తద్వారా సంఘంలో మర్యాద, మంచి గుర్తింపు లభిస్తుంది.  ఇంకా మనం కోరుకున్న ఉద్యోగంతో పాటు ఎన్నో విజయాలను, జీవిత లక్ష్యాలను చేరుకోగలుగుతాము.  మనిషి మెదడు వెయ్యి కంప్యూటర్లకన్నా శక్తివంతమైనది.  చరిత్రలో కొందరు మహానుభావులు సాధించిన విజయాలు వారి మెదడును కేవలం 20 శాతం ఉపయోగించడం వల్ల జరిగినవే.  నిజానికి, మనిషి మెదడును నూటికి నూరు శాతం వినియోగించుకొనే అవకాశం ప్రతి వ్యక్తికి ఉంది.  కాబట్టి మనం మన మెదడును ఎంత ఎక్కువగా ఉపయోగించుకుంటే అంత ఎక్కువ జ్ఞానాన్ని మరియు ఫలితాన్ని పొందవచ్చును.  కేవలం ఏకాగ్రత వల్లనే ఇది సాధ్యపడుతుంది.

ఏకాగ్రతను పెంచుకోవడానికి ధ్యానం మరియు ప్రాణాయామం అద్భుతమైన సాధనలు.  ప్రతిరోజు ఉదయం, సాయంత్రం 10 నిమిషాలు ధ్యానం(meditation) చేయడం వలన మెదడు శక్తివంతమై మనం నేర్చుకొన్న విషయాలను ఒక క్రమపద్ధతిలో పొందుపర్చుకుంటుంది.  ఇలా క్రమ పద్ధతిలో పొందుపర్చటం వలన ఎప్పుడైనా మనకు కావలసిన విషయాలను టక్కున గుర్తుకు తెచ్చుకోగలుగుతాము.  ప్రాణాయామం అంటే మన శ్వాసపై దృష్ఠిని నిలపడం.  రోజూ 5 నుంచి 10 నిమిషాలు ప్రాణాయామం చేయటం వలన మన శరీరంలోని విషవాయువులు బయటకు పోయి ఎల్లప్పుడూ ఆరోగ్యంగా, చురుకుగా, ఉత్సాహంగా ఉంటాము.  ధ్యానం, ప్రాణాయామంతో పాటు పౌష్ఠికాహారం తీసుకుంటుంటే మంచి ఏకాగ్రతను సాధించగలుగుతాము.  మనం తీసుకొనే ఆహారంలో అన్ని రకాల విటమిన్లు, కార్బోహైడ్రేట్లు ఉండేటట్లు చూసుకోవాలి.  కడుపు నిండా కాకుండా సగభాగం ఖాలీ ఉండేటట్లు తినటం శ్రేయస్కరం.  దీనివల్ల జీర్ణక్రియ బాగా జరిగి మెదడుకు కావలసినంత శక్తి అందుతుంది మరియు జ్ఞాపకశక్తి వృద్ధి చెందుతుంది.

జ్ఞాపకశక్తిని పెంచుకొనుటకు మూడవ పద్ధతి: విశ్లేషణ

మనం చదివిన లేదా నేర్చుకొన్న విషయాలు మరియు సంఘటనలను విశ్లేషించడం ద్వారా చాలా కాలం జ్ఞాపకం ఉంచుకోగలుగుతాము.  అంటే మనం చదువుతున్న పాఠంలోని విషయాలను మరింత లోతుగా ఆలోచించడం, ఆ పాఠం యొక్క సారాంశాన్ని బాగుగా పరిశీలించడం, ఆ పాఠం గురించి కొన్ని ప్రశ్నలు టీచర్ని అడగటం మరియు మనకు మనమే కొన్ని ప్రశ్నలను అడుగుకోవటం ద్వారా ఆ పాఠాన్ని బాగా విశ్లేషించి అర్ధం చేసుకోగలుగుతాము.  అలాగే ప్రతి పాఠం లోని కఠిన పదాలు, వాక్యాలు, పాఠ్య సారాంశం మరియు ప్రశ్న జవాబులను టీచర్ లేదా కుటుంబ సభ్యుల సహాయంతో సులభతరం చేసుకోవాలి.  ఇలా చేయటం వలన మన ఆలోచనా శక్తి బాగా పెరుగుతుంది.  విశ్లేషణ, ఆలోచన, పరిశీలన - ఈ మూడింటి ద్వారా నేర్చుకొన్న విధ్య సులువుగా మన మెదడులోకి చేరుతుంది.  ఎప్పటికీ మర్చిపోవటం జరగదు.  విశ్లేషణ, పరిశీలన మరియు ఆలోచనా శక్తి ఉన్నవారు అన్ని రంగాలలో ముందంజలో ఉంటారు.

జ్ఞాపకశక్తిని పెంచుకొనుటకు నాల్గవ పద్ధతి: మననం

మననం అంటే, మనం ఒకసారి నేర్చుకొన్న విషయాలను వదిలివేయకుండా పదే పదే గుర్తుకు తెచ్చు కోవడం.  మనం చదివిన ప్రశ్న-జవాబులను ఒక చిత్తు కాగితం పై చూడకుండా రాయడం అలవాటు చేసుకోవాలి.  ఒకసారి ఇలా రాయటం వలన పది సార్లు చదివినంత ఫలితం ఉంటుంది.  మనిషి మెదడు అక్షరాల కంటే బొమ్మలను తొందరగా గుర్తుపెట్టుకుంటుంది.  అందువల్ల మనం నేర్చుకున్న విషయాలను ఒక బొమ్మల కథగాను లేదా పాఠంలోని సంఘటన ప్రస్తుతం మన కళ్ళముందు జరుగుతున్నట్లుగా మనసులో ఊహించుకోవటం వలన ఎలాంటి కష్టమైన విషయాన్నైనా మెదడుకు సులభంగా చేర్చగలుగుతాము మరియు ఈ విషయాలు చాలా కాలం గుర్తుండిపోతాయి.  ఒక పాఠం లోని ప్రశ్న-జవాబులను చదివిన తరువాత మీ కుటుంబ సభ్యులకు గాని, మిత్రులకు గాని చూడకుండా అప్పగించడం అలవాటు చేసుకోండి.  దీనివల్ల ఏమైనా తప్పులుంటే సరిచేసుకొనే అవకాశం కలుగుతుంది.  మరలా మర్చిపోవటం జరుగదు.
అద్భుతమైన జ్ఞాపకశక్తిని పెంచుకొనుటకు పైన తెలిపిన నాలుగు ముఖ్యమైన పద్ధతులను అనుసరిస్తూ ఈ క్రింది సూచనలను పాటిస్తూ ఉండండి.
1. నిత్యం మనం చేసే పనుల పట్ల ఇష్టాన్ని పెంచుకోవాలి.
2. చదివేటప్పుడు మనసులోపలనే చదువుకోకుండా పైకి చదవటం (బయటకు వినపడేటట్లు చదవటం) ఉత్తమమైన మార్గం.
3. రోజూ ఒకే చోట కూర్చొని చదివేకన్నా వేర్వేరు సబ్జెక్టులను వేర్వేరు చోట్ల కూర్చొని చదవటం మంచిది.
4. మెదడుకు విశ్రాంతి చాలా అవసరం కనుక, నిర్ణీత కాల వ్యవధిలో రోజుకు కనీసం 6 గంటలు నిద్రపోవటం చాలా అవసరం.

Telugu Quotes on True Effort and Service

Telugu-Quotes-on-True-Effort-and-Service

"ప్రజలు మనల్ని మంచివారంటారు, చెడ్డవారంటారు.  కాని
ఆదర్శాన్ని ముందుంచుకొని సింహాలలాగా మనం పనిచెయ్యాలి. "

"మానవుడు ఎంత గొప్పవాడైతే, అంత కఠినమైన
పరీక్షలను దాటవలసి ఉంటుంది. "

"ప్రతిఘటన, వ్యతిరేకత ఎంత ఉంటే అంత మంచిది.  ప్రతిఘటన లేనిదే
నదికి వేగం వస్తుందా? ఒక విషయం ఎంత క్రొత్తదైతే, ఎంత మంచిదైతే
ప్రారంభ దశలో అది అంత వ్యతిరేకతను ఎదుర్కోవలసి వస్తుంది.
వ్యతిరేకత ఎక్కడైతే ఉండదో అక్కడ విజయం కూడా ఉండదు. "

"కఠోర సత్యమేమంటే - నీలో యదార్ధమైన శక్తి ఉన్నట్లయితే, పరిస్థితులు నీకు
ఎంత ప్రతికూలంగా ఉంటే, నీలో ఉన్న అంతర్గత శక్తి అంత ఎక్కువగా వ్యక్తమౌతుంది. "

"లోకమంతా నీచమైన ప్రాపంచికతతో నిండిపోయింది. కాని
నైతికబలం, వివేకం కలవాళ్ళు వీటివల్ల ఎప్పుడూ మోసపోరు.
'లోకం తన ఇష్టం వచ్చినట్ట్లు మాట్లాడనీ, నేను ధర్మమార్గాన్నే
అనుసరిస్తాను'... ఇది ధీరుని విధానం అని తెలుసుకో. "

"ఈ ప్రపంచం ఒక గొప్ప వ్యాయామశాల.  ఇక్కడికి మనం రావడం
మనల్ని మనం బలవంతులుగా చేసుకోవడానికే. "

"ధైర్యశాలివై ముందుకు నడు.  ఒక్క రోజులోనో, ఒక్క సంవత్సరంలోనో
విజయాన్ని ఆశించకు.  ఎల్లప్పుడు ఉత్తమోత్తమమైన ఆదర్శమును
కలిగి ఉండు.  స్థిరత్వం కలిగి ఉండు.  అసూయ,  స్వార్ధాలను విడిచిపెట్టు. "
 
"ప్రతి పని ఈ మూడు దశలను దాటాలి -
అవహేళన, వ్యతిరేకత, తరువాత ఆమోదం. "

"నీవు నిజంగా ఇతరుల శ్రేయాన్ని కోరితే, ప్రపంచమంతా వ్యతిరేకమై ప్రయత్నించినా,
 అది నీకు ఏ అపకారం చేయలేదు.  నీవు నిజంగా నిస్వార్ధపరుడవై, నిష్కపటివై ఉంటే
ఈశ్వరుని స్వకీయశక్తిచే ఆ వ్యతిరేకత అంతా తునాతునకలై పోతుంది. "

"మీలో ప్రతివారు, నాకంటే నూరురెట్లు గొప్పవారు కావాలి.  మీలో ప్రతిఒక్కరూ
ఒక వీరాధి వీరుడు కావాలి.  విధేయత, సంసిద్ధత, పనిమీద శ్రద్ధాభక్తులు -
ఈ మూడూ మీలో ఉంటే, మిమ్మల్ని ఏ శక్తీ అడ్డుకోలేదు. "

"ఈ జీవితం క్షణికం. ప్రామంచిక భోగాలు అశాశ్వతాలు.  ఇతరుల కొరకు
జీవించేవారే యథార్ధంగా జీవిస్తున్న వారు.  తక్కినవారు జీవన్మృతులు."

"లోకంలో సదా దాతవై వర్థిల్లు.  సహాయం - సేవ చేయి, నీవు ఇవ్వగలిగిన
ఏ అల్పవస్తువునైనా ఇవ్వు.  వస్తు మార్పిడి పద్ధతికి దూరంగా ఉండు."

"మృత్యువు అనివార్యమైనపుడు, రాళ్ళు రప్పల్లాగా ఉండటంకంటే
ధీరుల్లాగా మరణించటం శ్రేయస్కరం."

"ఈ ప్రపంచమనే నరకంలో ఏ ఒక్క హృదయంలో ఏ కాస్తయినా
శాంతి సౌఖ్యాలు కలిగించగలిగితే అదే 'సత్కర్మ' అనిపించుకుంటుంది."

Telugu Quotes on True Effort and Service By Swami Vivekananda

Telugu Quotes on Be Brave

Telugu-Quotes-on-Be-Brave

"ఎవరైతే తన గురించి అతి జాగ్రత్త వహిస్తారో వారు అడుగడుగునా
అపాయాలకు లోనవుతారు.  గౌరవం, అభిమానం పోతాయని
భయపడుతూ ఉండేవారికి అవమానమే ప్రాప్తిస్తుంది.  సదా ఏదో
పోతుందని భయపడేవారు ఎప్పుడూ నష్టపోతారు."

"సత్యాన్ని, ప్రేమనూ ఎవ్వరూ అడ్డుకోలేరు.  మీలో సత్యం, ప్రేమ ఉందా?
నిస్వార్ధంగా ఉండగలరా? అయితే మీరు మృత్యువుకు కూడా భయపడకండి."

"ఎన్నడూ అధైర్యపడవద్దు! ఆహార వ్యవహారాలలో గాని, దుస్తుల విషయంలో గాని,
నిద్రించడంలో గాని, ఆటపాటలలో గాని, రోగ భోగాలలో గాని ఎల్లప్పుడూ
ఉత్తమమైన నైతికబలాన్ని ప్రదర్శించండి.  అప్పుడే మహాశక్తి అనుగ్రహం లభిస్తుంది."

"ఒక్క అడుగు వెనక్కు వేయవద్దు, ఎలాంటి పరిస్థితి ఎదురైనా పోరాడండి.
ప్రపంచం మొత్తం మనకు ఎదురు నిలుచును గాక!  అయితే నేం? పోరాడండి!
పిరికివాళ్ళై, అడుగు వెనక్కివేసి మీరు సాధించేదేమీ ఉండదు."

"యువకులై, ఉత్సాహవంతులై, బుద్ధిమంతులై, ధీరులై మృత్యువును సైతం
పరిహసించగలిగి, సముద్రాన్నైనా ఎదురీదడానికి సంసిద్ధులై ముందుకు సాగండి."

"గొప్ప కార్యాలెప్పుడైనా తేలికగా సాధించబడ్డాయా? పిరికివాళ్ళలా ఉండడానికి వీల్లేదు.
ఉక్కు సంకల్పం, ప్రకంపించని హృదయాలు కలిగిన వారికి భగవంతుడు ఆశీర్వదించును."

"పిరికిపందలకు నేనేం సలహా ఇవ్వాలి? వాళ్ళకు నేను చెప్పేది ఏమీ లేదు.
నా ఉద్దేశంలో భయంతో ముడుచుకుపోయి, బానిస మనసుతో, గొణుగుతూ,
ప్రతీదీ కష్టంగా భావిస్తూ, పతనమొనర్చే 'అలసత్వం - నరకం' ఈ రెండూ ఒక్కటే!"
'Telugu Quotes on Be Brave' By Swami Vivekananda

Quotes on Religion in Telugu

Quotes on Religion in Telugu

"మీలో ఉన్న దివ్యత్వాన్ని
అభివ్యక్తీకరించడమే మతం. "

"భగవంతునిపై నమ్మకం లేనివాడు నాస్తికుడని
పూర్వపు మతాలు భోధించాయి.  తనపై తనకు నమ్మకము
లేని వాడు నాస్తికుడని ఆధునిక మతం బోధిస్తున్నది. "

"ఆదర్శం గల వ్యక్తి వెయ్యి తప్పులు చేస్తే, ఏ ఆదర్శం లేని
వ్యక్తి ఏభై వేల తప్పులు చేస్తాడనడం నిస్సంశయం.
కాబట్టి ఒక ఆదర్శం కలిగివుండడం మంచిది. "

"అసత్యమైన దానికి దూరంగా ఉండు.  సత్యాన్ని
అంటిపెట్టుకొని ఉంటే విజయం సాధించగలం.
ఆలస్యమైనప్పటికీ విజయం సాధించే తీరతాం. "

"ఘనకార్యాలను సాధించడానికే భగవంతుడు మనల్ని
ఎన్నుకొన్నాడని విశ్వసించి, ఉత్సాహంగా ఉండండి.
మనం వాటిని సాధించే తీరుతాం. "

"కండబలం నిజానికి గొప్పదే, కండబల వ్యక్తీకరణలు గొప్పవే.
యంత్రాలు, విజ్ఞాన శాస్త్ర పరికరాల ద్వారా అభివ్యక్తీకరింపబడిన
బుద్ధిశక్తి కూడా గొప్పదే.  కాని ప్రపంచంపై ఆత్మశక్తి చూపే
ప్రభావం కన్నా ఇవేవీ శక్తివంతమైనవి కావు. "

"మిగతా యుగాలలో ఆచరించిన తపస్సులు, కష్టభూయిష్టాలైన యోగాలు
నేడు ఉపయోగపడవు.  ఈ యుగంలో ఆవశ్యకమైంది దానం, ఇతరులకు
సహాయపడటం.  దానం అంటే పారమార్ధిక జ్ఞానాన్ని, వ్యావహారిక జ్ఞాననాన్ని,
ప్రాణరక్షణ, అన్నపానీయాలను అందించడం.  ఆధ్యాత్మిక జ్ఞానాన్ని
ఇచ్చేవారు జీవుణ్ణి జననమరణ చక్రపరంపర నుండి రక్షించ గలరు. "

"కోరనూవద్దు, త్రోసిపుచ్చనూ వద్దు. లభించిన దానిని స్వీకరించు.
దేనివల్లా బాధించబడకుండా ఉండడమే స్వాతంత్ర్యం. "

"భారతదేశం, ప్రపంచానికి ఇచ్చే కానుక ఆధ్యాత్మిక జ్ఞానమే!
మన ఆధ్యాత్మిక భావాలు కంటికి కనపడక, చెవికి వినపడక,
తెల్లవారు జామున మెల్లమెల్లగా నేలకు జాలువారు మంచు
బిందువుల వలె ప్రపంచమంతా వ్యాప్తి చెందుతున్నాయి. "

"అహర్నిశలు ఇలా ప్రార్ధించు:
ఓ జగజ్జననీ, నాకు ధీరత్వాన్ని ప్రసాదించు!
ఓ శక్తిశాలినీ! నా బలహీనతలను, దౌర్బల్యాన్ని
తొలగించి నన్ను ధీరమానవునిగా చేయి! "
Quotes on Religion in Telugu by Swami Vivekananda

Delhi Assembly Elections 2015 Results

2015 Delhi Assembly Elections లో భారత ప్రజాస్వామ్య చరిత్రలో 'ఆం ఆద్మీ పార్టీ' చారిత్రక విజయం సాధించింది.  ఫిబ్రవరి 7, 2015 ఢిల్లీ శాసనసభకు జరిగిన ఎన్నికల్లో 70 శాసనసభ స్థానాలకు గాను 'ఆం ఆద్మీ పార్టీ' (AAP) 67 శాసనసభ స్థానాల్లో ఊహించని ఘన విజయం సాధించి చరిత్ర సృష్టించింది.  కేంద్రంలో అధికారంలో ఉన్న భారతీయ జనతా పార్టీ కేవలం 3 శాసనసభ స్థానాలకు పరిమితమైంది.  గత 15 సంవత్సరాలు ఢిల్లీలో అధికారంలో ఉన్న కాంగ్రెస్ పార్టీ ఒక్క స్థానంలో కూడా విజయం సాధించలేదు.  2013 డిశంబర్ లో జరిగిన Delhi Assembly Elections లో ఆప్ - 28 అసెంబ్లీ స్థానాలు, బి.జె.పి. 31 స్థానాలు, కంగ్రెస్ - 8 స్థానాలు, ఇతరులు - 3 స్థానాలు గెలుచుకోగా, ఈ సారి 2015 Delhi Assembly Elections లో ఫిబ్రవరి 10 న వెలువడిన Results ఈ విధంగా ఉన్నాయి.

ఢిల్లీ శాసనసభ మొత్తం స్థానాలు: 70

AAP విజయం సాధించిన స్థానాలు: 67
BJP విజయం సాధించిన స్థానాలు: 03
Congress విజయం సాధించిన స్థానాలు: 00
Others విజయం సాధించిన స్థానాలు: 00

ఈ ఫలితాల పట్ల AAP కన్వీనర్ Arvind Kejriwal హర్షం వ్యక్తం చేస్తూ, ఇది సామాన్యుడి విజయం అని పేర్కొన్నారు.  ప్రధానమంత్రి నరేంద్ర మోడీ, సామాజిక వేత్త అన్నా హజారే, కాంగ్రెస్ అధినేత్రి సోనియా గాంధీ, రాహుల్ గాంధీ, ఆంధ్రప్రదేశ్ ముఖ్యమంత్రి చంద్రబాబు నాయుడు, తెలంగాణ ముఖ్యమంత్రి కె. చంద్రశేఖర్ రావు కాబోయే ఢిల్లీ ముఖ్యమంత్రి అరవింద్ కేజ్రీవాల్ కు అభినందనలు తెలిపారు.  ఫిబ్రవరి 14, 2015 న అరవింద్ కేజ్రీవాల్ ఢిల్లీ ముఖ్యమంత్రిగా ప్రమాణస్వీకారం చేయనున్నారు.

Arvind Kejriwal An Inspiration of Common Man

Arvind Kejriwal - The Power of Common Man
ఢిల్లీ ఎన్నికల్లో 'ఆం ఆద్మీ పార్టీ' (AAP) ఘన విజయం.
దేశవ్యాప్తంగా బి.జె.పి. శ్రేణుల్లో అంతర్మధనం
ఢిల్లీలో ఓటమిని ఒప్పుకొన్న బి.జె.పి..
'ఆప్' కు కలిసొచ్చిన బి.జె.పి. వ్యతిరేక ఓటు.
మినీ ఇండియాగా భావించే ఢిల్లీ శాసనసభ 2015 ఎన్నికల్లో సత్తా చూపిన సామాన్యుడు.
అరవింద్ కేజ్రీవాల్ నేతృత్వంలోని 'ఆం ఆద్మీ పార్టీ' (AAP) ఘన విజయం సాధించింది.
70 శాసనసభ స్థానాలకు జరిగిన ఎన్నికలలో ప్రధానంగా AAP మరియు BJP పార్టీల మధ్య  హోరాహోరీ పోటీ జరిగింది.  అయితే ఎగ్జిట్ పోల్స్ అంచనాలకు మించి AAP ఘన విజయం సాధించడం 'దేశ రాజకీయాలలో విప్లవం మొదలైంది' అని ట్విటర్ లో కేజ్రీవాల్ అన్నారు.
ఆదర్శవంతమైన ఎన్నికలు అని, BJP వ్యతిరేకులకు AAP ఆశాజ్యోతిగా మారినట్లు రాజకీయ విశ్లేషకులు చెబుతున్నారు.

ఢిల్లీ రాష్త్ర మొత్తం శాసనసభ స్థానాలు: 70

AAP ఆధిక్యంలో ఉన్న స్థానాలు: 65

BJP ఆధిక్యంలో ఉన్న స్థానాలు: 04

Congress ఆధిక్యంలో ఉన్న స్థానాలు: 00

Others ఆధిక్యంలో ఉన్న స్థానాలు: 01

Arvind Kejriwal కు అభినందనలు తెలిపిన ప్రధాని నరేంద్ర మోడీ, రాహుల్ గాంధీ మరియు ఆంధ్రప్రదేశ్ ముఖ్యమంత్రి చంద్రబాబు నాయుడు.  హక్కుల కోసం కేజ్రీవాల్ పోరాడతారని ఢిల్లీ ప్రజలు భావించారని ప్రముఖ సామాజికవేత్త 'అన్నా హజారే' అభిప్రాయ పడ్డారు.  ఒక common man ఇంత ఘనవిజయం సాధించండం చాలా గొప్ప విషయం అని పలువురు అభిప్రాయ పడుతున్నారు.  ఇంకా ఈ ఓట్ల లెక్కింపులో అంతిమ ఫలితాలు వెలువడాల్సి ఉంది.

Quotes on Education in Telugu

Quotes on Education in Telugu: విద్య - ప్రపంచాన్ని మార్చగలిగే ఒక శక్తివంతమైన ఆయుధం. అయితే, విద్య అనేది జీవితకాలం పాటూ అర్ధంకాకుండా మనసును కల్లోలపరిచే సమాచారం కాదు.  విద్య అంటే  సమర్ధమైన భావాలు.  ఇటువంటి భావాలను గ్రహించి మీ జీవితంగా, వ్యక్తిత్వంగా మలచుకోవడమే నిజమైన విద్య.

"విద్య అంటే మీ మెదడులో దట్టింపబడి జీవితకాలం పాటూ అర్ధంకాకుండా
మనసును కల్లోలపరిచే సమాచారం కాదు.  విద్య అంటే ఉజ్జీవనకరం, సమర్ధమైన భావాలు.
ఇటువంటి భావాలను గ్రహించి మీ జీవితంగా, వ్యక్తిత్వంగా మలచుకోవడమే నిజమైన విద్య."

"మిమ్మల్ని బలవంతులుగా చేసే ప్రతి ఆశయాన్ని స్వీకరించండి.
బలహీనపరిచే ప్రతి ఆలోచననూ తిరస్కరించండి."

"బలహీనతకు విరుగుడు బలం గురించి ఆలోచించడమే కానీ
బలహీనతను చింతంచడం కాదు.  తమలోనే అంతర్గతంగా
ఉన్న శక్తి గురించి జనులందరికీ ప్రబోధించండి."

"ఆత్మకు అసాధ్యమైనది ఏదైనా కలదని ఎన్నడూ తలచకండి.
అలా భావించడం గొప్ప అపచారమే.  పాపం అనేది ఏదైనా ఉంటే
అది - మీరు దుర్బలురని లేదా ఇతరులను బలహీనులని పలకడమే!"

"మిమ్మల్ని బలహీనపరిచే ప్రతి ఆలోచన, పలుకు మాత్రమే ఈ లోకం లో ఉన్న
కీడు అని గ్రహించండి.  మనిషిని బలహీనపరిచే, మనిషికి భయాన్ని
కలిగించే దానిని మాత్రమే చెడుగా భావించి తిరస్కరించాలి."

"మిమ్మల్ని మీరు బలహీనులుగా
భావించుకోవడమే గొప్పపాపం."

"మీరు దీనిని చక్కగా గ్రహించాలని నా ప్రార్థన - తాను వ్యర్ధుడనని మననం చేసే వ్యక్తి వల్ల
ఎటువంటి శుభమూ చేకూరదు.  మనిషి  రేయింబవళ్ళు తాను దు:ఖితుడనని, అధముడనని,
 పనికిమాలిన వాడినని భావించడం వల్ల, అతడు పనికిమాలిన వాడే అయిపోతాడు.
ఈ మహాసత్యాన్ని ఎల్లప్పుడూ జ్ఞాపకం ఉంచుకోండి."

"ఒక వ్యక్తితో నువ్వు అధముడవు, దుష్టుడవు అని పదే పదే చెప్పడం వలన
క్రమంగా ఆ వ్యక్తి తాను నిజంగా అలాంటివాడినే అని నమ్ముతాడు."

"ఇంకొకరిని పాపి అని అనడమే
మీరు చేసే పెద్ద తప్పు."

"సింహాల్లారా రండి! మీరు గొర్రెలనే భ్రమ నుంచి బయటపడండి.
మీరు అమరులు, పవిత్రులు, శాశ్వతులు.  మీరు ప్రకృతి కాదు, శరీరం కాదు.
ప్రకృతే మీకు బానిస,  మీరు ప్రకృతికి బానిసలు కాదు."

"మనిషి పాపాత్ముడని అనవద్దు.
అతడొక దైవమని తెలియజేయండి."

"మనిషి అంత:స్వరూపం అగ్నిపర్వత విస్ఫోటనం కన్నా లక్షల రెట్లు శక్తివంతమైనది.
ఈ అంత:శక్తి బాహ్యప్రకృతి  ధర్మాలన్నింటినీ అధిగమిస్తుంది.
ఈ అంత:ప్రవృత్తే మనిషికి తాను ఏమిటో తెలుపుతుంది."

Quotes on Education in Telugu By Swami Vivekananda

Give Up Superstition Quotes in Telugu

మూఢవిశ్వాసాలను త్యజించండి! మోసగాళ్ళు, వంచకుల ప్రభావంతో జనం మూఢనమ్మకం అనే నిత్య శత్రువును పెంచి పోషిస్తూ జీవితంలో దేనిని సాధించలేకపోతున్నారు.  వెనుకబాటు తనానికి మూలకారణాలలో మొదటిది ఈ మూఢనమ్మకమే.  Give Up Superstition Quotes in Telugu పేజీని చదివాక వాస్తవాలను గ్రహించి, వాటిని ఆచరించే ప్రయత్నం చేయండి.  టెక్నాలజీలో మనం శరవేగంగా దూసుకుపోతున్న ఈ తరుణంలో కూడా ఏమిటీ దుస్థితి.  కొందరు విద్యావంతులు, పండితులు కుడా దీనిని ప్రోత్సహించడం ఒక విధమైన మోసపూరిత చర్యగా పరిగణింపవచ్చు.  మూఢనమ్మకాలు చాలా దేశాలలో ఉన్నప్పటికీ, మన భారతదేశంలో అధికంగా ఉండటం దేశ అభివృద్ధికి పెద్ద ఆటంకం అని చెప్పవచ్చు.  మూఢనమ్మకాలను పాటించడం వలన ఎటువంటి ఫలితం ఉండకపోగా ధనం, కాలం వృధా అవుతుందిని ప్రతి ఒక్కరూ తెలుసుకొన్న నాడు దేశ అభివృద్ధి పరుగులు పెడుతుందనడంలో సందేహం లేదు.  ప్రతిదానినీ గ్రుడ్డిగా నమ్మేవాడికన్నా,  తన విచక్షణా జ్ఞానాన్ని ఉపయోగించి నమ్మకం లేని వాడిగా ఉన్న మనిషిని భగవంతుడు క్షమిస్తాడు.

"మూఢనమ్మకాన్ని అంటువ్యాధిగా భావించి నిర్మూలించు.
అది మీ అభివృద్ధికి అన్ని విధాలా దోహదపడుతుంది. "

"మీరంతా నాస్తికులుగా మారిపోయినా ఫరవాలేదుగాని,
మూఢాచారాలతో మూర్ఖులై పోవడం మాత్రము తగదు.
నాస్తికుడు అయినప్పటికీ వాని వల్ల కొంతైనా ప్రయోజనం నెరవేరదు.
కాని మూఢాచారం ప్రవేశిస్తే మెదడు ధ్వంసమైపోయినట్లే!
బలహీనమైనట్లే! జీవితం భ్రష్టమైపోయినట్లే! "

"మోసగాళ్ళు, వంచకుల ప్రభావంలో పడటంకన్నా మీరు నాస్తికులై
మరణించడం మేలు.  ఉపయోగించడానికి మీకు విచక్షణా జ్ఞానం ఇవ్వబడింది.
ఆ జ్ఞానాన్ని సరిగ్గా ఉపయోగించినట్లు నిరూపించండి. "

"మనిషికి మూఢవిశ్వాసం ఒక ప్రబల శత్రువు. "

"తనకున్న ప్రజ్ఞను ఉపయోగించకుండా ప్రతిదానినీ గ్రుడ్డిగా నమ్మేవాడికన్నా,
తన విచక్షణా జ్ఞానాన్ని ఉపయోగించి నమ్మకం లేని వాడిగా ఉన్న మనిషిని
భగవంతుడు క్షమిస్తాడు. "

"పురాతన గ్రంథాలలో ఉందనిగాని, మీ తాతముత్తాతలనిండి సంక్రమించిందనిగాని,
మీ స్నేహితులు కోరుతున్నరని గాని మీరు దేనిని నమ్మవద్దు.  మీ అంతట
మీరే ఆలోచించుకొని, సత్యాన్ని స్వయంగా అన్వేషించండి.  మందమతులు,
బలహీన మనస్కులు, పిరికివారు సత్యాన్ని దర్శింపలేరు. "

"మిమ్మల్ని బలహీనులుగా చేసే సమస్త విషయాలను పరిత్యజించండి.
వాటితో మీకు సంబంధం లేదు.  రహస్య సాధనతో కూడుకున్న
క్షుద్ర విద్యల వల్ల మానవ మేధ బలహీనమవుతుంది. "

"దివ్యమై, శక్తి ప్రదమై, తేజోవంతములై ఉన్న మీ ఉపనిషత్తులను ఆశ్రయించండి.
మిమ్మల్ని దుర్బలురను చేసే రహస్య, మార్మికమైన విషయాల నుండి వైదొలగండి. "

"నిరాశ, నిస్పృహ అనేవి ఏమైనా కావచ్చు కాని మతం మాత్రం కాదు.
ఎల్లప్పుడూ చిరునవ్వుతో ఆనందంతో ఉండడం అనేది ప్రార్థన కంటే కూడా
మరింత దగ్గరగా భగవంతుని సాన్నిధ్యం పొందడానికి దోహదపడుతుంది. "

"నిరుత్సాహులై, అధైర్యపడేవారు జీవితంలో ఏ పనినీ సాధించలేరు.
రోదిస్తూ, దు:ఖిస్తూ జనన మరణముల పాలవుతారు. "

"సమస్త దౌర్బల్యం, సమస్త బంధం కేవలం మన:కల్పనయే.
దౌర్భల్యాన్ని విడనాడు. లే! దృఢంగా ఉండు. నాకు తెలిసిన మతమిదే. "

"అనంత శక్తే మతం. అదే దైవం. "

"మనకు కావలసింది బలం.  మనకు బలాన్ని ఎవరిస్తారు?
ఇపనిషత్తులు బలానికి అపార నిధులై ఉన్నాయి.
ఉపనిషత్తుల ద్వారా లోకమంతా జీవశక్తిని, బలాన్ని, ఓజస్సును పొందగలుగుతుంది. "

"బలాన్ని సంపాదించడానికి మొదటి సాధనం నేను ఆత్మను - అని విశ్వసించడమే.
నన్ను ఖడ్గం చేదించలేదు, ఆయుధాలు ఛిద్రం చేయలేవు, అగ్ని దహించలేదు,
గాలి శోషింప చేయలేదు. నేను సర్వశక్తిమంతుణ్ణి, అనే ధన్యవాక్యాలను ఉచ్చరించి బలవంతులు కండి. "

Give Up Superstition Quotes By Swami Vivekananda

Way To Success Quotes in Telugu

విజయానికి మార్గం: మనిషి తను ఎన్నుకొన్న రంగంలో విజయం సాధించాలనే తపనలో ఉంటాడు.  అందుకై ఎన్నో అవరొధాలను ఎదుర్కొనవలసి ఉంటుంది. అటువంటి అవరోధాలను అధిగమించడానికి ఈ way to success quotes ఎంతగానో ఉపయోగపడతాయి.  మానవుని జీవన పయనంలో అపజయాలను లక్ష్యపెట్టక, 'విజయసాధన' అనే పోరాటానికి సంసిద్ధం చేసేవే Success Quotes.  అపజయాల నీడలోనే విజయం దాగివుంటుందని ప్రతి ఒక్కరూ తెలుసుకోవాలి.

"మన తప్పులకు కూడా ఇక్కడ చోటు ఉంది.  ముందుకు సాగిపోండి!
ఒకవేళ ఏదైనా తప్పు చేశామని మీరు భావించినా వెనక్కు చూడకండి.
మీరు ఆ తప్పులు చేయని పక్షంలో ఇప్పుడు ఈ విధంగా ఉండేవారా?
కాబట్టి మీ తప్పులను దీవించండి, అవి అదృశ్య దేవతలు.
లక్ష్యాన్ని అంటిపెట్టుకొని ముందుకు సాగిపో!"

"నేను జీవితం లో అనేక తప్పులను చేశాను.  కాని ఆ తప్పులలో ఏది లేకున్నా,
నేను ఈ స్థితికి వచ్చివుండకపోయేవాణ్ణి అనడం నిస్సంశయం.
కాబట్టి వాటికి నేను కృతజ్ఞుణ్ణి.  అలాగని మిమ్మల్ని బుద్ధిపూర్వకంగా
తప్పులను చేయమని చెప్పడంలేదు.  కాని తప్పులను చేస్తే విలపించకు."

"జరుగవలసింది ఏదో జరిగిపోయింది, చింతించకు.
జరిగిపోయిన కార్యాలను గూర్చి పదే పదే తలపోయకు.
వాటిని నీవు రద్దు చేయలేవు, కర్మఫలం కలిగే తీరుతుంది.
దానిని ఎదుర్కో! కాని చేసిన తప్పునే మరల చేయకుండా జాగ్రత్త వహించు."

"ఇతరుల దోషాల గురించి, వారెంత దుష్టులైనా సరే ఎన్నడూ ముచ్చటించకు.
తద్వారా ఏ మేలు కలుగదు.  అటువంటి పనుల వల్ల
నీవు అతనికి హాని చేసి, నీకు నీవే హాని చేసుకుంటావు."

"అపజయాలను లక్ష్యపెట్టకు.  అవి వాటిల్లడం సహజం.  ఈ అపజయాలు
జీవితానికి అలంకారప్రాయాలు.  పోరాటానికి సంసిద్ధం చేసేవి ఈ అపజయాలే!
ఆవు అసత్యమాడదు నిజమే. కాని అది ఎప్పటికీ ఆవే! మనిషి కాలేదు.
వెయ్యిసార్లు ఓటమి వాటిల్లినా, లక్ష్యసిద్ధికై ఇంకొకసారి మళ్ళీ ప్రయత్నించండి."

"వేల అవరోధాలను అధిగమించినప్పుడే
సౌశీల్య నిర్మాణం సాధ్యమౌతుంది."

"జీవన పయనంలో ఒకరి తొట్రుపాటు ఎక్కువగాను, ఒకరిది తక్కువ గాను ఉంటుంది.
తక్కువ అయితే సజ్జనుడనీ, ఎక్కువ అయితే దుర్జనుడనీ అంటారు.
కాని ఆ రెండూ ఒక్కటే! కనిపించడంలో గల ఎక్కువ తక్కువలకే ఆ పేర్లు."
"Way To Success Quotes in Telugu" By Swami Vivekananda.

Secret of Work Quotes in Telugu

'హృదయానికి మనసుకి సంఘర్షణ జరిగినప్పుడు, హృదయాన్ని అనుసరించు అంటూ' Secret of Work Quotes లో స్వామి వివేకానంద చాలా చక్కగా వివరించడం జరిగింది. ఇదే కర్మ రహస్యం.

"ప్రాణమున్నంత వరకు పనిచేయండి.  ఈ జీవితం వస్తుంది పోతుంది.  సంపద, కీర్తి, భోగాలు
మూడునాళ్ళ ముచ్చటే.  ఒక ప్రాపంచిక క్షుద్రకీటకం వలె చనిపోవడం కన్నా
సత్యాన్ని బోధిస్తూ కార్యరంగంలో మరణించడం ఉత్తమం.  ముందంజ వేయండి!"

"మీలో ప్రతి ఒక్కరూ కార్య భారమంతా
మీపైనే ఉందన్న భావంతో పని చేయండి."

"ఏ ఘనకార్యాన్నీ మోసంతో సాధించలేం.  అప్రతిహతమైన శక్తి ద్వారా మాత్రమే
సమస్త కార్యాలు సాధించబడతాయి.  కాబట్టి ధీరత్వాన్ని ప్రదర్శించండి."

"జన సమూహం కాదు కావలసింది.  పామరుల గుంపు ఒక శతాబ్దంలో చేసిన పనికంటే,
హృదయపూర్వకంగా పనిచేస్తే ఒక్క సంవత్సరములోనే ఎక్కువగా సాధించగలరు."

"ధైర్యంతో కర్తవ్యాన్ని నిర్వహించు.  ఓర్పు, స్థిరత్వాలతో పనిచేయి...
ఇదే ఏకైక మార్గము.  ఓర్మి, పవిత్రత, ధైర్యం, స్థిరత్వంతో్ పనిచేయాలని
గుర్తుంచుకొని ముందుకు నడువు.  పవిత్రంగా ఉండి నీ ఆదర్శాలకు
కట్టుబడి ఉన్నంత కాలం నీకు అపజయం కలుగదు."

"నీ ప్రతి పనిలోనూ ఆచరణాత్మకతను కనబరచు.  ఆచరణ కొరవడిన
అనేక సిద్ధాంతాల వల్లే దేశం పూర్తిగా నాశనమైంది."

"మనకు కావలసింది స్పందించే హృదయం, ఆలోచించే మెదడు,
పనిచేసే బలిష్టమైన హస్తం.  కర్మ చేసే యోగ్యతను సంపాదించు.
హృదయానికి మనసుకి సంఘర్షణ జరిగినప్పుడు, హృదయాన్ని అనుసరించు."

"మీకు కొద్దిపాటి కల్పనాశక్తి లేకపోతే, మార్గదర్శకమైన ఆదర్శం లేకపోతే,
మీరు కేవలం పశుతుల్యులే.  కాబట్టి మీ ఆదర్శాన్ని తగ్గించుకోకూడదు.
అలా అని అసాధ్యమైన దాన్ని ప్రయత్నించరాదు.  ఉన్నత ఆదర్శంతో
ఉత్తమ ఆచరణాన్ని మీ జీవితంలో సమన్వయపరచడానికి ప్రయత్నించండి."

"మన దేశపు ఆశలన్నీ మీపైనే ఉన్నవి.  సోమరులుగా మీరు కాలం గడపటం
నాకు బాధను కలిగిస్తోంది.  కార్యదీక్షాపరులు కండి.  ఆలస్యం చేయవద్దు.
అంతా సరియైన సమయంలో జరుగుతుందని సోమరులుగా కూర్చోవద్దు.
ఆ విధంగా ఏ పనీ నెరవేరదని గుర్తుంచుకోండి."

"వ్యర్ధకాలయాపన పనికి రాదు.  అసూయ, అహంకారం అనే భావాలను పూర్తిగా విడిచిపెట్టండి.
అప్రతిహతమైన శక్తితో కార్యరంగం లోకి దూకి సాహసవంతులుగా పని చేయండి."

"నా ఉద్వేగం మీకింకా ఒంటపట్టలేదు.  నన్ను మీరు అర్ధం చేసుకోలేదు.
సోమరితనం, సుఖానుభవం అనే పాతపంథాలలోనే మీరింకా పరుగెత్తుతున్నారు.
ఈ అలసత్వం ఇక చాలు.  ఇహపర ఫలభోగాసక్తి ఇక చాలు."

"మీరు నా ఉద్వేగాగ్నిని అందుకోవాలని, అత్యంత
నిష్కపట వర్తనులవ్వాలని నా నిరంతర ప్రార్ధన."

Secret of Work Quotes in Telugu.